AddThis Social Bookmark Button
اقتراحات للحكومة القادمه
 
1- الغاء منصب رئيس الجمهورية لان الحمد لله الامور ماشية رغم ان الريس 
مفقود من سنتين
 
2-الغاء منصب نائب الرئيس لان ماعنده غير كلمتين يلقيهن بالسنة ممكن يلقيهن
 بمكانه زيباري اللي راح يظل وزير خارجية>>>>. لحد مايموت
 
3-الغاء منصبي وزيري الدفاع والداخلية لان ماشفناهم صار 4 سنين
 
4- الغاء وزارة الصناعة لان كل معاملنا معطلة من 2003 وحتى الكلينكس نستورده من تركيا
 
5الغاء وزارة التجارة لان الحصة التموينية شهر توصل وشهرين تضيع 
 
الغاء وزارة الشباب والرياضة لان الشباب عاطل وضايع والرياضة لازمها رعد حمودي وما يهدها للموت
 
6- الغاء وزارة الاتصالات لان زين واسياسيل هي اللي تدير الاتصالات بالعراق وبكيفهم وحسب مزاجهم
 
7-الغاء وزارة التعليم العالي لان الجامعات الاهلية والمفتوحة الان هي سيدة الموقف ولان ما مستفاد منها الا اعضاء البرلمان والسياسيين اللي يحصلون على الماجستير والدكتوراه خلال 4 شهور!!!!
 
8-الغاء وزارة الزراعه لان العراق يستورد كل شي حتى الثوم من الصين والشلغم من تايلند والكرفس من سنغافوره
 
9-الغاء وزارة العمل لان ماكو عمل الا بالواسطات والدفع والتوصيات الحزبيه
 
10-الغاء وزارة المراة لان لحد الان اغلب العراقيات ما سامعات بيها ولا شايفات جهرت وزيرتها
 
11- الغاء وزارة المصالحة الوطنية لان لسه ماكدرت تصالح اثنين على بعضهم
 
12 الغاء وزارة شؤون مجلس النواب لان الوزير كلما تطلع جلسات المجلس نلكاه نايم ويشخر
 
وذلك توفيرا للنفقات واختصارا للاجراءات وحرصا على اعصاب العراقيين والعراقيات وراحتهم والله من وراء القصد ..!
...