AddThis Social Bookmark Button

قصيدة شعبية من وحي الإنتخابات القادمة 2014

 


قصيدة الاديب المهندس فهيم السليم التي القاها في امسية

الصالون الثقافي لمنتدى الجامعيين العراقي الاسترالي 
 

 

داويها يابن الوطن داويها

داويها يابن الوطن داويها 

وإلزَمْها بسنونك ولا تاذيها

ساويها وِخِذْ من (الزعيم) إدروسْ

ومن كل شهيد ومتعذّب ومحبوسْ

وخذ عزّ العراق الشرف والناموسْ

إنت إزرَعِتْ وإتعَبِتْ بلكي إتْحَصِدْ تاليها

داريها يابن الوطن داريها

وإلزمها بسنونك ولا تطّيها

داويها يابن الوطن وإﮔلبْ ﭽَنبر الخِرزاتْ

بياعة ديانة وللدَجَلْ أسطة وسبع خلفاتْ

تَرَه إحنا الوطن وصويحبْ أبد ماماتْ

والبيرغ أبد مرفوع والمبدأ يظل حاميها

أرض الوطن مُهْجِتَكْ وإنت تِظَلْ فاديها

داويها ياابن الوطن داويها

داويها يابن الوطن وإختار اﻟﻤِﺴِﭺ والهيلْ

وإنتخب ريحة هلي يحرسها نجم إذويلْ

(ﻴﮔضن ورِدْ يا ديرتي)صاح القطار بليلْ

طول العمر ننتظر بلكي يجينا الريلْ

ويجيب شدّة ربعْ تحفظها وتداريها

داويها يابن الوطن داويها

إنت ياخويه الجُرُف وإنت زرع شاطيها
 
::::::::::::::::::::::::::::::::::::::::

فهيم عيسى السليم

9 نيسان 2014

:::